好想去旅行, 好想放假

有咗bb之後, 唔可以周圍去﹏
之前周圍走, 而家無得周圍走, 有啲 ><
7月啦, 年年都好想放暑假...., 今年更強烈, 哎呀, 好想去玩, 好想放假, 好想去旅行呀!

bb, 今晚不如發夢去旅行 :)

見肚?

早在2個幾星期之前, 老豆話, 「見肚啦...見肚啦...!」
我9秒9講「得2個月, 邊見到肚?我個肚腩黎....」
同一說話, 呢幾日都有人講, 我依舊講肚腩而已....bb只有2點幾cm點會見肚?

結婚雜誌到懷孕雜誌

去年不停買同睇結婚雜誌, 而家開始睇大肚婆雜誌, 哈哈!
之前覺得D結婚雜誌好好搵40/50蚊一本都好多人買, 大肚婆雜誌都幾貴, 我今日買一本都要35蚊, 仲要好薄....anyway, 我都係買咗!

個個知我有咗bb, 都叫我飲牛奶。之伹係我有咗bb之後, 極度不願意飲, 好怕d味道...
大肚婆雜誌中一篇 講出牛奶對孕婦有幾重要, 當中有鈣, 旦白質, 鎂, 維他命A,維他命B12, 同鋅, 全部都對bb好... 如果飲奶不足會容易骨質疏鬆....但我真係飲唔到...都
用其他replace...太好了....
:)

www.eugenegroup.com.hk

上到網啦!

呆了7天, 上唔到網真係有啲怪怪....
都話和記唔好啦...之但係屋企人要用我都無佢地辨法...
算了吧, 依家上到網就ok啦...

上星期一覆診, 好開心! bb有2cm長, 見到頭仔, 身仔, 手仔同埋腳仔, 醫生俾bb的心跳我睇, 嘩! 太奇妙啦... 醫生度完bb的size之後, 更改預產期到2010年1月11日, 同臭史老公同一日生日!知道預產期唔準, 但都好高興。

幾個星期的「害喜」現象, 令我見到d嘢食真係想走....但一定要食...自己唔食bb都要食。
呢個準媽媽真係好差..., 真咩到食唔到, 好唔開心。 :( 不論早午晚, 睇住d嘢食好耐好耐都唔食﹏記得2個星期之前落車之後, 太早唔想返公司住, 逼不得已搵個地方坐, 叫了一客奶油多 +橙汁, 望全食唔到好難過....心想, 「點解?」... 眼淚就流咗出黎。坐對面的一女人望住我....
上星期六同vivian, jackie 同carmen 一起食飯, 唔係食好多, 之但係jackie的說話令我開心d, 她話, 「你同bb講, 媽咪生完你之後就keep fit, 唔駛擔心, 俾媽咪食嘢啦...」聽完好開心, 我真係有同bb講, 唔知佢係咪真係聽到, 慢慢真係開始食到嘢。一步一步啦, 而家食到dd, 慢慢back to normal 啦...

很累...很累...

的起心肝搬"家"了...

之前已經唔太like Hompy, 因沒有任何function, 少少嘢加都要俾$$。
而家更摺埋, 算了吧! 早走早著...
:)

我們的Waffle...

終於出街啦...我們的Waffle!

去年11月分看到客人給予的graphics, 已經喜歡上了!

可能我由細到大都喜歡格仔餅, 有一種懷念的情感似的...

在早2年前開始, 客人的改革情況下, 我們雖作出相應的配合...(係被迫的..., 如果唔係就無咗競爭力) on-site 是無可避免...

第一次我哋Sport Graphic on-site 係SU'08.

是一個challenge, 因為印花廠唔係太配合, 可否第二日出strike off? 機會率是低於20%! 而家好好多啦..之不過客人唔太想去我地工廠on-site, 可能太遠了...太舟車勞動啦...anyway, 印花廠仍然好努力, 希望做得好! 我好理解佢地, 唔可以未學行先學走, 而家希望佢地可以慢跑啦...

說回Waffle, 個graphic 係客人做separation, 可惜印花廠當時唔爭氣, 印錯晒, on-site 時才發現...要立即重做! 但我仍歡喜這waffle..., 近幾年客人多了special packaging... 這waffle 有幸的連同其可愛的盒一併出售, 公司都keep咗2個!

Spring'09 之系列應該好快出啦....