懷孕第22週

原來真係好奇妙!
日日睇住自己個大, 有個B係你裡面不停大!
本身沒有進補, 食到嘢偷笑啦, 而家只係強迫自己要飲奶,早晚飲!
有了BB之後, 真係定性D?
我有咗4個幾月仍追巴士, 跑得快過臭史, 無聊起來, 會係架life到跳呀跳....
到8月31日先知驚....條底底有血呀....! 當時4點15分
"好驚呀, 阿B你唔好有事!" 心慌慌諗...
打俾醫生話要睇佢, 佢反而叫我唔駛..吓?
同事媽媽見我當場哭, 即刻叫我去急症室, 但係邊到係最近呢?
"ST. PAUL!"
"私家黎架!"
"律敦X!"
邊上的士邊call 臭史
"好驚呀!"
但佢唔係香港....
唯有靠自己...
去到急症室, 同護士講見紅, 佢當我無到...
同事媽媽同時打黎
"點呀, 睇咗醫生未?"
"未呀, 佢地話要等下wor" 俾說話個護士聽...
"吓未睇, 扮好辛苦啦..., 扮好痛啦..."
"好快到你啦..., 邊個邊個, 俾張輪椅佢坐" 個護士講
哈哈, 唔駛扮!
醫生好好, 好仔細同我check up, 沒事, 太好了...
阿B 好叻, 由係的士到醫院, 不停踢我, 好似要同我講
"阿媽, 我無事!"
叻仔!