Joshua 出世之前後6

2010年1月4日下午5點10分我的Joshua出世啦! 3.65kg (7.9磅)重, 嘩太好啦...成個陀仔process我只係重咗15-6磅, 阿B已經差不多50%, 我即係無肥到好多啦...!!!
我望住佢被抱到一張BB床, D眼淚不停流, 好開心呀!
護士講BB隻腳仔好大呀, 我笑咗出黎, 又喊又笑, 好在無賴尿, 哈~
本來我可以餵BB少少人奶, 但唔記得咩原因無做到...
護士姐姐佢地量到我流咗差不多500ml血, 剛剛margin位..(流得太多..)所以要留堂...留係產房起碼3個鐘!?!
唔知係咪吸氣吸得太多, 生完好精神.......痛? 唔係bor....
anyway, 好想見阿b...好想見老公, 好想見媽咪...好想...但...

8點啦, 可以上房, 但被人推去走廊到等, 當時隔離房其他人生緊, 不停push... 聽得好清楚..幾個鐘頭之前係我, 感覺好特別...

被人推出2樓產房, 見到想見的臭史, 媽咪, 仲有老豆!!! 媽咪俾咗d嘢食我, 上到房9點幾, 我第一時間打開d嘢食, 有湯, 有飯, 有火龍果!?! 嘩咩事幹有火龍果!?! 食唔到啦, 都係sent msg啦... sent sent 下無電, 算了吧...瞓覺吧!

Joshua 出世之前後5

1.2.3.4.5.6.7.8...每一次都係8下就痛, 我捉住臭史隻手一到第8下就大力捉住...
另一隻手就捉住個口罩不停吸笑氣...

姐姐問我食唔食嘢, 我估唔到有得食, 就算無胃口, 我都要食, 驚無力生... 點知...
臭史餵我食, 第一次..我好記得係瘦肉粥..好感動..

姐姐之後再問我要唔要尿尿, 我有需要..而臭史無出去, 佢話係我老公, 怕咩..再一次感動...

護士入黎幫我再check, 原來我未完全穿晒水, 幫我拮穿, 嘩...好多水...

穿咗之後, 我都無再特別痛d, 可能吸到傻咗...

突然好痛!!!
因為無氣!!!!!!! 史啦...!!!哈~

之後突然覺得BB好想出來, 我好想屙, 但臭史唔俾我叫護士, 我頂!!!!
我唔理啦, 大叫, 佢問我叫咩, 我之後轉channel, 用英文大叫, finally護士走入黎, 佢地話仲差少少...
我唔得啦, 一定要屙啦...其中一個護士話好, 立即轉房!臭史要出去tim..
「吓轉房!?! 唔係呢度生咩!?! 我忍唔到啦..」心想...
轉完後, 佢地仲話要忍住先, 頂...
好啦過咗只係5分鐘, 佢地好快手...之後其中一個好好的護士同我講 「你大力push一下我幫bb個頭仔過咗先...」
1.2.3. 唔.................
「好啦...得咗!!」臭史呢個時候stand by..護士仲話佢太高大, 無衫fit佢...

啦你下次痛再push, 不過唔好叫..!
好, 唔叫...
另一個護士已經放咗把較剪係個度...

我一push佢地剪....好痛?唔係bor...
我一共push咗3下就生咗啦...

Joshua 出世之前後4

我9秒9打電話俾出面的臭史老公, 佢同媽咪一齊...

護士同嬸嬸佢地個個知邊個係我老公, 因為佢係病房出面 "瞓"咗一晚...仲話佢好好男人... (係呀...)
臭史之前同我講會落地下大堂瞓, 我仲好擔心佢會冷親...知道佢只係出面放心D...

「好囉, 可以生囉!」臭史想 (阿比設計)

之後有嬸嬸推輪椅來接我, 我拿拿臨 落床上"車", 雖然好痛, 但動作超快...KEKE~

出咗病房見到臭史, 第一時間同護士姐姐講「我老公呀!!!」

護士姐姐俾臭史同我一起.. 我好驚, 好想臭史係度...終於可以定少少啦...之不過我地2個都唔知下一步會點...

被推到去6號病房, 哈..2樓6號, 206, 我lucky number bor... 有d開心, 之不過開心還開心, 都係好痛...!

記得D朋友講過, 生的時候只有助產士, 無醫生...好啦有二個護士姐姐係度, 佢地幫我接生?? 會點呢? 無人同我講...只係知好痛...腰骨!! 1至2分鐘痛一次...用咗lower level breathing 好耐啦...keep 住 吸先... (真係work 架!)

記得講座之前提過老公可以同我做按摩! 好照版煮碗啦...

「好痛呀, pls do the massage on my waist ...」wow~ 好dd...

護士再入黎, 我話好痛呀, 佢問我吸唔吸「笑氣」, 我話好, 但心諗 「得? 唔得?唔痛, 子宮頸開唔開架?」唔理啦3721吸咗先算, 真係好腰骨痛...

護士姐姐教我點用..before that 我已經吸緊氧氣 (好好聞, 因為我好鍾意聞呢d怪味--汽油, 汽車廢氣, 石油氣, 膠味..., 而氧氣條管係新的膠, 所以更加好聞... abnormal...)用口罩大力吸D「笑氣」就OK, 之不過我吸唔到呀, 要攞開氧氣喉先吸到...><護士姐姐唔俾攞開條喉...只係叫我大D吸..Sigh...

姐姐再問我打唔打止痛針, 但有condition... 就係4個鐘頭內生我話, bb要打解藥, 決定權係我手..我話打..因為真係好腰骨痛...

佢地唔係度時我攞開條喉係咁吸...

「吸唔吸到呢?」 起初唔太知...吸多2嘢有d wing wing地, 係啦..work 啦..

媽咪好緊張, 打俾佢, 佢話... 「唔好吸咁多, 唔係好難生...」

唔理啦, 好痛呀, 不停吸呀吸...

Joshua 出世之前後3

1月2日晚上, 前半part瞓得唔錯, 但去到3點幾, 好似想便便...起身發現自己褲濕晒!


第一時間叫醒臭史, 再去bathroom睇清楚, 記得聽座時話有血絲就是了, 食緊飯的話要食埋去先去醫院。我就第一時間打電話俾媽媽同call 的士, 之後沖涼同洗頭, 阿媽話一定要!!! (真係好重要!!!!!esp 洗頭)


我沖完涼後, 見廳到臭史已經搬了幾袋嘢出黎, 笑死我啦...我之前同佢講話如果我入咗醫院, 呢D嘢拿去媽媽到俾我同BB坐月用, 入醫的嘢我一早已經準備好在媽媽家。因為我會係聯合醫院生, 媽媽家近一些。佢話我好緊張, 沒經驗, 是喔~~~



















入院前

好啦, 一切OK落樓搭的士, 記得阿V講過,唔好同咁多人講, 一個痛一個鐘, 二個二個鐘, 如此類推...我媽媽好Big mouth, 好大wok!我已經同媽媽講唔好同人講啦, 寧可信其有不可信其無...可惜...佢第一時間同阿b細佬講, 阿b同佢女朋友講, chow 7, 同佢女朋友...auntie...但點都唔夠臭史勁, 因為佢之後返教會, wow....之前我預計, 媽媽, 老公同的士司機, 3個人, 3個鐘, good ar, 點知...


去到醫院, 阿b幫我攞走佬袋, 佢問我你唔係生咩, 都唔似生, 我當時真係唔係好痛, 好戲在後頭喔.... >< 去到2樓, 換埋衫, 醫生話我未得, 子宮頸完全未開! 吓?!? 會點架?!?














入院後係４樓等生。。。

被送到4樓等生...去到4樓仲可以走來走去...叫臭史返教會, 個個不停打俾我啦...因為媽媽已經傳晒出去...

下午吃完lunch, 瞓瞓下開始痛啦...由15分鐘痛一次到5分鐘一次...史啦....媽媽, chow7, kennix, 同臭史係醫院, 但我開始唔想講嘢同食嘢, 佢地不停療我...wow...., 佢地去到8點之後走咗, 除了臭史... 我叫佢去媽媽到瞓, 佢唔肯, 想返屯門, 一來一回, 好幾個鐘, 我唔知幾點生, 問護士佢話有機會半夜生, 但好大chance早上6點幾7點, 不過佢唔sure, of coz 啦, 邊個知呢?我同臭史講希望佢留底, 佢ok, 好好好好喔...



半夜好痛呀, 係腰骨好痛...護士幫我同bb量心跳同子宮收縮情況, 嘩好痛呀, 我之前用了lower level breathing 沒有叫過, 但sorry腰骨太痛啦, 我好似傻一樣大叫!!!對面的之後都我講要睇清楚我個樣 :P



我一早已pack好晒d嘢準備落2樓生, 點知...24個鐘啦... 穿了水好耐啦, 有沒有事?!? 早上護士交更後, 其中一個同我講, 會好快落2樓生啦! 我好開心同好驚, 點呀, 會點架?!?

Joshua 出世之前後2

大眼仔阿Jos 出世之前, 我做了2次夢--囝囝會在1月4日見我喔~~但12月24日之後個人好腫, 個個都話好快生, 自己好驚, 因為個個話好快, 好痛, 係點架呢..?
好怕好怕, 怕到有d緊張....會點呢?

2010年12月31日, 決定同臭史打邊爐, 哈~~太多嘢食啦...之後返教會, 好開心, 呢個係我同臭史第一個一起的new year eve, 好開心~~~ 過去他不在身邊, 只用電話一起過...
聖誕至新年, 這一個星期同教會的brothers/sisters見好多面, 好close 好開心...

2010年1月2日, 臭史同我呆在家中了...(實情係我想休息一下...)只是出街買吓嘢食。我要臭史教我弄一道菜(好好味架...不過唔係我煮之馬...), 嘩真係好味道, 但有dd唔同bor...我地5點幾食晚飯, 仲睇埋 < 每當變幻時 >, 點知突然好down, 打電話俾媽咪話 「做媽咪好辛苦架?陀bb已經好辛苦啦, 唔想陀...唔想生啦..」 >.<

我一早已經tidy up 屋企, 準備好入院的嘢, 好啦1月3日訂好了回娘家打邊爐, 之後影相, 在我生囝囝之前同臭史和屋企人影畢業相..(係呀 a bit late, 臭史囉~~~), 點知....

未生囝囝之前, 我同臭史講好歡喜呢個bb, 雖然媽咪話陀bb唔好抱人家bb, 但我無理啦..佢太得意.... :D

Joshua 出世之前後1

2009年12月24日係我放產假前最後一日返工, 好忙喔, 不停報價...




Lunch後, 咩都唔做, 第一時間同d同事影相, 好似farewell咁, 但好好玩...




同LX君影了一張好攪鬼的, 哈哈是2007年的延續版, 你地覺得點?




2007年--打排球 :D

2009年--打baseball (不過似龜魔氣功多D)









生之前的幾個星期, 大約在下午3.4點左右對腳開始腫...但係12/24晨咁早就腫...好唔舒服...




好似就生一樣~




OT到7點終於走得, 但已經好夜啦...約了臭史都遲晒大到...去到積奇家已經8點半有多啦...




Anyway, 積奇,厚利她們係廚房廚呀廚, 好好味...~~~可惜我無得吃好好味的壽司,翡翠螺...




但炒飯, 午餐肉, 長通粉, 好好味...仲有我的飛佛--可口可樂, wow~~~




交換禮物係指定環節, 但厚利諗到D好玩的方法, 你唔like可以換~厚利的男人腳好得, 哈哈~~~









同bb講, 俾媽媽同爸爸可以過埋呢個假期...




臭史同我馬不停蹄至2010年1月2日...

BB已經出世了~

我們的寶寶已經在2010年1月4日來到呢個世界啦~
我開始了媽媽的生活了!